Day Seven: Four Turn Offs

Sa pagkakaintindi ko sa ‘turn-offs’ na tema ng posteng ito, ito yung mga bagay na kapag nakita mo sa isang nagugustuhang tao ay maaari nang mawala ang pagnanasa pagtingin mo dito. Kaya ang mga bagay na ilalagay ko sa baba ay para lamang sa ganoong perspektibo. Kung kaibigan kita at nagkataong may naisulat ako dito na isang katangian mo, hindi ibig sabihin na ayaw ko sa iyo. This post intends to share my opinion, not to offend anybody.

Well unless dati kitang nililigawan tapos ganito ka pala at bigla na lang kitang hindi pinansin. Lol.

1. Kung magkakaroon ng survey tungkol sa kung ano ang bagay na nakaka-turn-off sa mga tao, sigurado ako kung ano ang magiging number 1. At yun ding bagay na yung ay ang nasa unahan ng listahan ko. Nakakaturn off kung meron siyang putok.

Hindi ko alam kung kailangan ko pa i-explain pero sino ba naman ang gusto na may jowa (asawa as in?) na habang magkasama kayo ay nakagas mask ka o kailangan mo pahiran ng deodorant ang ilong mo na parang Vicks.

galing dito ang larawan: http://francineangel.multiply.com/journal/item/31/Tinapay-Names-in-Your-BAKERY?&item_id=31&view:replies=reverse

Q: Bakit hindi mo siya sabihang maligo o magdeodorant?
A: Kailangan pa ba i-memorize yan? Bisyo na to.

2. Alam ko, may mga poste na akong sinasabi kong may pagka-perpeksiyonista ako. May mga oras na umaabot ang pagtanaw ko na ito hindi lamang sa sarili kundi pati sa ibang tao. Isa na rito ang grammar at speech. Kaya turn off yung hindi marunong sa grammar. Hindi ko sinasabing kailangan perfect kasi di naman ganun pero huwag naman yung hindi tolerable. Yung mga simpleng kamalian pwede pa palampasin pero kung pati basic, ewan ko pero ganun e.

ex. Apple are red. The balls is bouncing.

Turn off din sa akin kapag may punto. Kahit siguro dropdead gorgeous ang isang babae pero kapag nagsalita e ganun, yun na. Although we know it can be fixed, wala lang akong tiyaga siguro na turuan siya within the span of the relationship.

3. Tinanong ako ng ilang mga kaopisina kung ‘under’ daw ako. Siyempre sagot ko hindi. Kung may mga bagay o pagkakataong nagiging sunod-sunuran ako sa asawa ko e dahil mahal ko siya (excuses?). May follow-up question pa na, “Paano kung ganoon din yung asawa mo, terror at bungangera?” Unang una hindi ako magge-gelpren na ganun ang ugali. Kung nagkataon man na nalaman ko o lumitaw lang yung ganung ugali niya nung kasal na kami, kung hindi siya magbabago e hihiwalayan ko siya. Hindi ako makakapayag na yurakan niya ang aking pagkalalake. Ayoko maging isang battered husband katulad nila —–.

4. Kung ayaw ng mga babae sa mayabang, ayaw naman ng mga lalake sa maarte. Ok lang naman siguro na maging maarte pero sana ilugar. Tipong ang kausap mo ay isang common na tao tapos kakausapin mo ng puro ingles na may halong kolzener accent. Hindi ka naman magmumukhang matalino kahit ganun ang gawin mo. Kung ayaw mo naman sa isang bagay, pwede mo namang sabihin ang simpleng, “No” kesa sa “Eww yuck kadirs.”

Kapag kasi maarte ka, it prevents you to be humble and kind-hearted. Hindi ka makakahalubilo sa mga tao kung ganun ka. Ikumpara na lang si Jose ng All for Juan, Juan for All ng Eat Bulaga versus mga politikong lumilitaw lang tuwing panahon ng halalan. Impernes to Jose, nakikita ko yung sincerity. Kapag politiko yan, pagtalikod nyan maliligo na yan ng rubbing alcohol. Parang si Richard Gutierrez versus Paolo Bediones ng Extra Challenge. Dati ang ganda ng Extra Challenge, ngayon no comment. Hindi ko kasi pinapanood. Haha.

Sorry naging random ang post. Hanapin na lang ang connection.

Ngayon alam niyo na ang mga katangian na wala si Jonalyn. 😀